User Profile

Eg elskar Agnes Ravatn. Kvar gong eg trur eg har taket på ho, så snor ho seg or grepet, og gjer noko uventa. Det er 2025, vi bur her no, og om det er éin person eg vil skal skrive ein roman som handlar om generasjonsskifte i forlagsbransjen, men kanskje eigentleg handlar om vår sterkt menneskelege svolt på å lage og innta historier, så er det ho.

@funkel Eg elskar denne boka.

Dette er ei bok du gjer, ikkje ei bok du leser, seier forfattar Doctorow sjølv. Ansjå den som ei lærebok som også er ei underhaldande historie – ei som i desse dagar er meir aktuell enn då boka vart utgiven.

Halvorsen er litt eldre enn meg, men det er veldig mykje attkjenneleg her, å vekse opp inst i ein fjord og finne «stammen» sin på internett. Fint å få den same historia fortalt frå eit litt anna perspektiv.

I ein lettare postpokalyptisk storby bur ei samling dyr i ein ghetto med kondemnerte hus på havna. Byen ynskjer å hive dei ut, nokre av dei er sjuke, alkoholiserte, og/eller berre gamle drøymarar. Ei ny von dukkar opp, håpet om det magiske landet Balanka.

Strid har nydelege teikningar, og har fått lov til å ta mykje plass – her kan fire sider brukast på ei enkelt rørsle. Ei fantastisk cinematisk barnebok, som eg håper får bli ein fantastisk barnefilm og ikkje ein «førstemann til mølla til å kjøpe filmrettane».

Pratchett er nydeleg når han er nydeleg. Litt langstrakt, og innimellom litt for glad i å pjåte setningar fulle med humor, men ein meister i å leike med fantasy-forventningar og putte sine reaksjonar på det ekte samfunnet inn i magiske univers.

Det tok litt tid, men den kom til slutt. Eg mista litt av plottet iom. at eg las halve boka i 2022 og resten no, men eg synest Butcher er flink på plott og gøyale hendingar likevel. Måten han beskriver magi på er veldig gøyalt, og eg likar den urbane fantasysettinga.

Søte små bøker. Fin introduksjon til småtrollet til dinosaurverda, sjølv om historiene ikkje er så imponerande i seg sjølv.

(Herregud, så lett det er å nå årsmålet sitt om ein berre legger til barnebøkene også… Men eg har ikkje tenkt å legge inn heile serien, altså.)

@markus@skvip.lol Såg di melding og innsåg at eg ikkje hadde lagt den inn. Las gjennom medan dottera teikna på biblioteket i helga.