John Green er god på dei lange linjene, og ikkje minst å snirkle seg mellom mange ulike trådar. Eg har fulgt han og broren Hank gjennom snart to tiår, og dei siste åra – allereie før denne boka var kjend – hadde han brått mange referansar til sjukdomen i videoane hans på nettet. Denne boka er resultatet av researchen hans, som brukar tuberkulose som linse til å sjå på vår moderne historie, både geopolitisk og medisinsk.

Fun fact-svolten som eg er, så likar eg nok endå betre dei historiske delane av boka enn dei som omhandlar hans ven Henry, som har lidd av sjukdomen – som ein etter kvart lærer at er veldig unngåeleg – gjennom mesteparten av sitt liv, men det er framleis sterk lesing. Meir enn ei historie OM tuberkulose er nok denne boka ei forteljing om kvifor du burde BRY deg om tuberkulose – no bryr eg meg om tuberkulose.