Veldig god skildring av tre familiemedlemmar som alle vil kvarandre godt, men likevel ikkje får det til. Særleg sonen Jack er interessant, han som alltid har vore utanfor og annleis enn dei andre søskena utan at nokon kan forklare kvifor det er blitt slik. Jack er ein slik person som heile livet har vore overtydd om at han er til bry for andre, og difor skapar han avstand til alle slik at dei skal sleppe å måtte ta omsyn til han. Han veit at murane han bygger rundt seg, sårer folk, men greier ikkje å vere annleis. For oss som har eit snev av denne eigenskapen, er det nyttig å sjå det skildra så godt som her.