Velkomen som ny STATSBORGAR

"I 2006 blei det innført ein frivillig seremoni for personar som har fått innvilga norsk statsborgarskap. Seremonien skal vera ei verdig o høgtideleg markering av overgangen til norsk statsborgarskap, og gjere sitt til å styrkje bandet mellom staten og nye borgarar. Nye statsborgarar som takkar ja til å vere med på statsborgarseremonien, skal gje ein truskapslovnad, og dei får denne boka i gåve.

Boka inneheld kapittel om hovudliner i Noregs historie og sentrale trekk ved Noreg i dag. Boka gjev òg ei innføring i det norske demokratiet, rettsstaten og menneskerettane, og dei rettane og pliktene som gjeld for norske statsborgarar."